KHamir

gulab kikar pe kab ugega

ki KHar donon mein mushtarak hai

mein kis tarah sochne laga hun

mujhe rafiqon pe kitna shak hai

ye aadmiyat ajib shai hai

sarisht mein kaun sa namak hai

ki aag, pani, hawa, ye miTTi

to har bashar ka hai tana-bana

kahan ghalat ho gaya murkkab

na hum hi samjhe na tum ne jaana

gharib ke TuTe-phuTe ghar mein

hua talawwud to shah-zada

buland masnad ke ghar piyaada

wali ke ghar mein haram-zada