Jab Se Qiston Mein BaT Gaya Hun Main
jab se qiston mein baT gaya hun main
apne mehwar se haT gaya hun main
jab shanasa na mil saka koi
apni jaanib palaT gaya hun main
mera saya bhi baDh gaya mujh se
is saliqe se ghaT gaya hun main
mil gae jo bhi mutmain lamhe
un se fauran lipaT gaya hun main
raushni jab baDhi meri jaanib
do-qadam pichhe haT gaya hun main
aarzu Tis karb tanhai
KHud mein kitna simaT gaya hun main
apni pahchan ho gai mushkil
gard mein itna aT gaya hun main
Akmal Imaam 
(707) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544