Habs-e-darun Pe Jism-e-giran-bar Sang Tha
habs-e-darun pe jism-e-giran-bar sang tha
wahshat pe meri arsa-e-afaq tang tha
kuchh dur tak sahab-e-rifaqat raha rafiq
phir ehtamam-e-barish-e-tir-o-tafang tha
sahmi hui faza-e-ghazalan ke ru-ba-ru
jangal tha qahqahe the KHuda tha main dang tha
ab shahr-e-justuju mein tere baad kuchh nahin
aabaadi-e-badan mein jo dil tha malang tha
ji ye kare hai aaj ki tanha jien maren
kab mere iztirab ka ye rang-Dhang tha
har sham muzmahil si sawera bujha bujha
tujh se pare jo dekha yahi ek rang tha
Akram Naqqash 
(901) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544