Aaina-KHana Bhi Andoh-e-tamanna Nikla
aaina-KHana bhi andoh-e-tamanna nikla
ghaur se dekha to apna hi tamasha nikla
zindagi mahfil-e-shab ki thi pas-andaz-e-sharab
pine baiThe to bas ek ghunT zara sa nikla
phir chala mausam-e-wahshat mein sar-e-maqtal-e-ishq
qura-e-fal mere nam dobara nikla
dad-e-shaistagi-e-gham ki tawaqqo be-sud
dil bhi kam-baKHt taraf-dar usi ka nikla
hai ajab tarz ka rahraw dil-e-shorida-qadam
jab bhi nikla safar-e-ishq pe tanha nikla
wo raqibon ka pata puchhne aae mere ghar
koi to un se mulaqat ka rasta nikla
dar-ba-dar KHwar hue phirte hain hum hijr-nasib
jaan-sipari ka bhi kya KHub natija nikla
dil mein uThte rahe yaadon ke bagule 'tishna'
mujh mein simTa hua ek dard ka sahra nikla
Alamtaab Tishna 
(841) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544