Wo Kya Gae Payam-e-safar De Gae Mujhe

wo kya gae payam-e-safar de gae mujhe

ek jazba-e-junun-e-asar de gae mujhe

har samt dekhti hai jo un ke jamal ko

wo ek nigah-e-jalwa-nagar de gae mujhe

har-chand karb-e-marg hai mahsus har nafas

lutf-e-hayat-e-ishq magar de gae mujhe

taswir-e-huzn-o-yas bana kar chale gae

lab-ha-e-KHushk o dida-e-tar de gae mujhe

bedar kar gae sahar-o-sham-e-zindagi

aah-o-fughan-e-sham-o-sahar de gae mujhe

jamti nahin nigah kisi chiz par bhi ab

ek KHiragi-e-tab-e-nazar de gae mujhe

arz-e-hadis-e-shauq pe sharma ke rah gae

kitna hasin jawab magar de gae mujhe

mere sukun-e-qalb ko le kar chale gae

aur iztirab-e-dard-e-jigar de gae mujhe

mahrum-e-shash-jahat nigahon ko kar gae

bas ek nigah-e-jaanib-e-dar de gae mujhe

'aKHtar' wo aae aur chale bhi gae magar

ek lutf-e-iztirab-e-asar de gae mujhe

(631) Peoples Rate This

Your Thoughts and Comments

Wo Kya Gae Payam-e-safar De Gae Mujhe In English By Famous Poet Aleem Akhtar. Wo Kya Gae Payam-e-safar De Gae Mujhe is written by Aleem Akhtar. Read famous Poem Wo Kya Gae Payam-e-safar De Gae Mujhe for youth and Student by Aleem Akhtar. Free Download Wo Kya Gae Payam-e-safar De Gae Mujhe in PDF.