وہ کیا گئے پیام سفر دے گئے مجھے
وہ کیا گئے پیام سفر دے گئے مجھے
اک جذبۂ جنون اثر دے گئے مجھے
ہر سمت دیکھتی ہے جو ان کے جمال کو
وہ اک نگاہ جلوہ نگر دے گئے مجھے
ہر چند کرب مرگ ہے محسوس ہر نفس
لطف حیات عشق مگر دے گئے مجھے
تصویر حزن و یاس بنا کر چلے گئے
لب ہائے خشک و دیدۂ تر دے گئے مجھے
بیدار کر گئے سحر و شام زندگی
آہ و فغان شام و سحر دے گئے مجھے
جمتی نہیں نگاہ کسی چیز پر بھی اب
اک خیرگئ تاب نظر دے گئے مجھے
عرض حدیث شوق پہ شرما کے رہ گئے
کتنا حسیں جواب مگر دے گئے مجھے
میرے سکون قلب کو لے کر چلے گئے
اور اضطراب درد جگر دے گئے مجھے
محروم شش جہات نگاہوں کو کر گئے
بس اک نگاہ جانب در دے گئے مجھے
اخترؔ وہ آئے اور چلے بھی گئے مگر
اک لطف اضطراب اثر دے گئے مجھے
علیم اختر 
(645) ووٹ وصول ہوئے
Wo Kya Gae Payam-e-safar De Gae Mujhe In Urdu By Famous Poet Aleem Akhtar. Wo Kya Gae Payam-e-safar De Gae Mujhe is written by Aleem Akhtar. Enjoy reading Wo Kya Gae Payam-e-safar De Gae Mujhe Poem on Inspiration for Students, Youth, Girls and Boys by Aleem Akhtar. Free Dowlonad Wo Kya Gae Payam-e-safar De Gae Mujhe by Aleem Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends