Ek Muntazir-e-wada Ki Shama Jali Hogi
ek muntazir-e-wada ki shama jali hogi
suraj ke nikalne se kya raat Dhali hogi
batlaen Thikana kya chhuTe hue gulshan mein
guzroge to dekhoge ek shaKH jali hogi
bas ek tamanna ho jis ke dil-e-viran mein
socho to zara kitne nazon ki pali hogi
nikle teri mahfil se to sath na tha koi
shayad meri ruswai kuchh dur chali hogi
kal raat jo main guzra ek nur ka taDka tha
'masrur' batao to wo kis ki gali hogi
Aleem Masroor 
(717) Peoples Rate This