Pukarte Pukarte Sada Hi Aur Ho Gai

pukarte pukarte sada hi aur ho gai

qubul hote hote har dua hi aur ho gai

zara sa ruk ke do-ghaDi chaman pe kya nigah ki

badal gae mizaj-e-gul hawa hi aur ho gai

ye kis ke nam ki tapish se par par jal uThe

hatheliyan mahak gain hina hi aur ho gai

KHizan ne apne nam ki rida jo gul pe Dal di

chaman ka rang uD gaya saba hi aur ho gai

ghurur-e-aftab se zamin ka dil saham gaya

tamam barishen thamin ghaTa hi aur ho gai

KHamoshiyon ne zer-e-lab ye kya kaha ye kya suna

ki kaenat-e-ishq ki ada hi aur ho gai

jo waqt mehrban hua to KHar phul ban gae

KHizan ki zard zard si qaba hi aur ho gai

waraq waraq 'alina' hum ne zindagi se yun ranga

ki katib-e-nasib ki raza hi aur ho gai

(878) Peoples Rate This

Your Thoughts and Comments

Pukarte Pukarte Sada Hi Aur Ho Gai In English By Famous Poet Aleena Itrat. Pukarte Pukarte Sada Hi Aur Ho Gai is written by Aleena Itrat. Read famous Poem Pukarte Pukarte Sada Hi Aur Ho Gai for youth and Student by Aleena Itrat. Free Download Pukarte Pukarte Sada Hi Aur Ho Gai in PDF.