Abhi Aur Tez Kar Le Sar-e-KHanjar-e-ada Ko
abhi aur tez kar le sar-e-KHanjar-e-ada ko
mere KHun ki hai zarurat teri shoKHi-e-hina ko
tujhe kis nazar se dekhe ye nigah-e-dard-agin
jo duaen de rahi hai teri chashm-e-bewafa ko
kahin rah gai ho shayad tere dil ki dhaDkanon mein
kabhi sun sake to sun le meri KHun-shuda nawa ko
koi bolta nahin hai main pukarta raha hun
kabhi but-kade mein but ko kabhi kabe mein KHuda ko
Ali Sardar Jafri 
(772) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544