Wahi Husn-e-yar Mein Hai Wahi Lala-zar Mein Hai
wahi husn-e-yar mein hai wahi lala-zar mein hai
wo jo kaifiyat nashe ki mai-e-KHush-gawar mein hai
ye chaman ki aarzu hai koi luT le chaman ko
ye tamam rang-o-nikhat tere iKHtiyar mein hai
tere hath ki bulandi mein farogh-e-kahkashan hai
ye hujum-e-mah-o-anjum tere intizar mein hai
bas usi ko toDna hai ye junun-e-nafa-KHori
yahi ek sard KHanjar dil-e-rozgar mein hai
abhi zindagi hasin hai abhi zikr-e-maut kaisa
abhi phul khil rahe hain abhi to kanar mein hai
abhi mai-kada jawan hai abhi mauj mein hai saqi
abhi jam raqs mein hai abhi mai bahaar mein hai
yahi mera sher-o-naghma yahi meri fikr-o-hikmat
jo suru-o-dard-mandi dil-e-be-qarar mein hai
Ali Sardar Jafri 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544