Agar Kaj-rau Hain Anjum Aasman Tera Hai Ya Mera
agar kaj-rau hain anjum aasman tera hai ya mera
mujhe fikr-e-jahan kyun ho jahan tera hai ya mera
agar hangama-ha-e-shauq se hai la-makan KHali
KHata kis ki hai ya rab la-makan tera hai ya mera
use subh-e-azal inkar ki jurat hui kyunkar
mujhe malum kya wo raaz-dan tera hai ya mera
mohammad bhi tera jibril bhi quran bhi tera
magar ye harf-e-shirin tarjuman tera hai ya mera
isi kaukab ki tabani se hai tera jahan raushan
zawal-e-adam-e-KHaki ziyan tera hai ya mera
Allama Iqbal 
(2286) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544