DhunD Raha Hai Farang Aish-e-jahan Ka Dawam
DhunD raha hai farang aish-e-jahan ka dawam
wa-e-tamanna-e-KHam wa-e-tamanna-e-KHam
pir-e-haram ne kaha sun ke meri ruedad
puKHta hai teri fughan ab na ise dil mein tham
tha areni go kalim main areni go nahin
us ko taqaza rawa mujh pe taqaza haram
garche hai ifsha-e-raaz ahl-e-nazar ki fughan
ho nahin sakta kabhi shewa-e-rindana aam
halqa-e-sufi mein zikr be-nam o be-soz-o-saz
main bhi raha tishna-kaam tu bhi raha tishna-kaam
ishq teri intiha ishq meri intiha
tu bhi abhi na-tamam main bhi abhi na-tamam
aah ki khoya gaya tujh se faqiri ka raaz
warna hai mal-e-faqir saltanat-e-rum-o-sham
Allama Iqbal 
(2022) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544