Kho Na Ja Is Sahar O Sham Mein Ai Sahib-e-hosh
kho na ja is sahar o sham mein ai sahib-e-hosh
ek jahan aur bhi hai jis mein na farda hai na dosh
kis ko malum hai hangama-e-farda ka maqam
masjid o maktab o mai-KHana hain muddat se KHamosh
main ne paya hai ise ashk-e-sahar-gahi mein
jis dur-e-nab se KHali hai sadaf ki aaghosh
nai tahzib takalluf ke siwa kuchh bhi nahin
chehra raushan ho to kya hajat-e-gulguna farosh
sahib-e-saz ko lazim hai ki ghafil na rahe
gahe gahe ghalat-ahang bhi hota hai sarosh
Allama Iqbal 
(3263) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544