Zamistani Hawa Mein Garche Thi Shamshir Ki Tezi
zamistani hawa mein garche thi shamshir ki tezi
na chhuTe mujh se london mein bhi aadab-e-sahar-KHezi
kahin sarmaya-e-mahfil thi meri garm-guftari
kahin sab ko pareshan kar gai meri kam-amezi
zamam-e-kar agar mazdur ke hathon mein ho phir kya
tariq-e-koh-kan mein bhi wahi hile hain parwezi
jalal-e-padshahi ho ki jamhuri tamasha ho
juda ho din siyasat se to rah jati hai changezi
sawad-e-raumat-ul-kubra mein dilli yaad aati hai
wahi ibrat wahi azmat wahi shan-e-dil-awezi
Allama Iqbal 
(3427) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544