Kya Ishq Ek Zindagi-e-mustaar Ka
kya ishq ek zindagi-e-mustaar ka
kya ishq paedar se na-paedar ka
wo ishq jis ki shama bujha de ajal ki phunk
us mein maza nahin tapish o intizar ka
meri bisat kya hai tab-o-tab-e-yak-nafas
shoala se be-mahal hai ulajhna sharar ka
kar pahle mujh ko zindagi-e-jawedan ata
phir zauq o shauq dekh dil-e-be-qarar ka
kanTa wo de ki jis ki khaTak la-zawal ho
ya-rab wo dard jis ki kasak la-zawal ho
Allama Iqbal 
(2050) Peoples Rate This