Unki Aamad Hai Gul-fishani Hai

un ki aamad hai gul-fishani hai

rang-e-KHushbu ki mezbani hai

kaisi hogi na jaane sham-e-umr

subh jab aisi sar-girani hai

maut ka kuchh pata nahin lekin

zindagi sirf nauha-KHwani hai

marne wala hai markazi kirdar

aaKHiri moD par kahani hai

KHud-kushi jaisi koi baat nahin

ek zara mujh ko bad-gumani hai

ye jo barud hai hawaon mein

aag thoDi si bas lagani hai

us ka likkha hi ji raha hun main

us ki babat hi ye kahani hai