Raat Subh-e-bahaar Hogi

muhib sayon mein pal raha hun

ki lakh ranj-o-alam mein mahsur ek jins-e-giran hai iqrar jis ka

aafat ka sabab hai

main kaise bhulun main bhul jaun kashmakash

main dhul aankhon mein jhonk Dalun

to raat subh-e-bahaar hogi

mera tasalsul mere muqaddar ke sath paiham rawan-dawan hai

zamin sae ko jhel legi main chal paDunga

jo bhed jebon par bojh bante hain

jo bhuli galiyan miTa ke ru-posh ho gai hai

wo chhup gai

wo chhup gai hai to pair miTTi safar ka anjam farz kar lo

jo aisa kar lo to subh chaTo zamin chaTo

mujhe na dekho ki main to nasl-e-qadim-sala se muntashir hun

main lafz DhunDun ki KHud ko tarik aaine mein utar lun dekhun toD Dalun

yunhi tasalsul ke sath qismat ka wasta hai jo aaina hai

main us ko toDun main us ko joDun ki jis ka iqrar to giran hai

(595) Peoples Rate This

Altaf Ahmad Qureshi's More Poetry

Your Thoughts and Comments

Raat Subh-e-bahaar Hogi In English By Famous Poet Altaf Ahmad Qureshi. Raat Subh-e-bahaar Hogi is written by Altaf Ahmad Qureshi. Read famous Poem Raat Subh-e-bahaar Hogi for youth and Student by Altaf Ahmad Qureshi. Free Download Raat Subh-e-bahaar Hogi in PDF.