Koi Diwar Na Dar Baqi Hai
koi diwar na dar baqi hai
dasht-e-KHun hadd-e-nazar baqi hai
sab marahil se guzar aaya hun
ek teri rahguzar baqi hai
subh raushan hai chhaton ke upar
raat palkon pe magar baqi hai
KHwahishen qatl hui jati hain
ek mera dida-e-tar baqi hai
kaun deta hai sadaen mujh ko
kis ke honTon ka asar baqi hai
kaT gai shaKH-e-tamanna 'amabar'
na-umidi ka shajar baqi hai
Ambar Shameem 
(853) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544