Saeban Kya Abr Ka TukDa Hai Kya
saeban kya abr ka TukDa hai kya
dhup to malum hai saya hai kya
apne daman mein chhupa le mauj-e-gham
qatra qatra zindagi jina hai kya
KHwab aansu ehtajaji zindagi
puchhiye mat shahr-e-kalkatta hai kya
tund jhonke sab uDa le jaenge
shaKH se TuTa hua patta hai kya
har qadam ek saneha hai dosto
aise mausam mein koi jita hai kya
meri mahrumi mera ghussa na puchh
barf ki hiddat hai kya shoala hai kya
kyun dhaDakta hai ye dil ambar-'shamim'
us ki yaadon se mera rishta hai kya
Ambar Shameem 
(664) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544