Kahne Ko Sham-e-bazm-e-zaman-o-makan Hun Main

kahne ko sham-e-bazm-e-zaman-o-makan hun main

socho to sirf kushta-e-daur-e-jahan hun main

aata hun main zamane ki aankhon mein raat din

lekin KHud apni nazron se ab tak nihan hun main

jata nahin kinaron se aage kisi ka dhyan

kab se pukarta hun yahan hun yahan hun main

ek Dubte wajud ki main hi pukar hun

aur aap hi wajud ka andha kuan hun main

cigarette jise sulagta hua koi chhoD de

us ka dhuan hun aur pareshan dhuan hun main