Hum Ki Jo BaiThe Hue Hain Apne Sar PakDe Hue
hum ki jo baiThe hue hain apne sar pakDe hue
aap hi zanjir hain aur aap hi jakDe hue
sham pili rakh mein KHun-e-shafaq ka injimad
raat jaise KHwab-e-yaKH-basta hon din akDe hue
rang ke pahre hain ruKHsaron ki aab-o-tab par
aur rangon ko hain zulfon ki laTen jakDe hue
dhup ne naKHun Duboe hain gulon ke KHun mein
zaKHm-KHurda KHushbuen phirti hain sar pakDe hue
raat kali raat peDon ko hilati aandhiyan
aur hum baiThe tanab-e-KHwab hain pakDe hue
Ameeq Hanafi 
(742) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544