Mamul

sham chhat se ghar mein utri

raat ban kar ek ek kamre mein phaili

waqt ko apni kalai se utara

aur Table par saja kar

main ne aazadi ka lamba sans khincha

yaad aur KHwabon ki parwaren sambhaalin

kashti-e-ehsas ko barik aur bad-rang lahron mein utara

subh tak is kashti-e-ehsas par

kar ke le aaunga suraj ko sawar

aur phir meri kalai

waqt ki paband ho kar

sham tak anjam degi

kar-ha-e-nagawar