Ai Zabt Dekh Ishq Ki Un Ko KHabar Na Ho
ai zabt dekh ishq ki un ko KHabar na ho
dil mein hazar dard uThe aankh tar na ho
muddat mein sham-e-wasl hui hai mujhe nasib
do-chaar sal tak to ilahi sahar na ho
ek phul hai gulab ka aaj un ke hath mein
dhaDka mujhe ye hai ki kisi ka jigar na ho
DhunDe se bhi na mani-e-barik jab mila
dhoka hua ye mujh ko ki us ki kamar na ho
ulfat ki kya ummid wo aisa hai bewafa
sohbat hazar sal rahe kuchh asar na ho
tul-e-shab-e-visal ho misl-e-shab-e-firaq
nikle na aaftab ilahi sahar na ho
Ameer Minai 
(948) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544