Dil Jo Sine Mein Zar Sa Hai Kuchh
dil jo sine mein zar sa hai kuchh
gham se be-iKHtiyar sa hai kuchh
raKHt-e-hasti badan pe Thik nahin
jama-e-mustaar sa hai kuchh
chashm-e-nargis kahan wo chashm kahan
nashsha kaisa KHumar sa hai kuchh
naKHl-e-ummid mein na phul na phal
shajar-e-be-bahaar sa hai kuchh
saqiya hijr mein ye abr nahin
aasman par ghubar sa hai kuchh
kal to aafat thi dil ki betabi
aaj bhi be-qarar sa hai kuchh
murda hai dil to gor hai sina
dagh sham-e-mazar sa hai kuchh
is ko duniya ki us ko KHuld ki hirs
rind hai kuchh na parsa hai kuchh
pahle is se tha hoshiyar 'amir'
ab to be-iKHtiyar sa hai kuchh
Ameer Minai 
(1005) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544