Guzar Ko Hai Bahut Auqat ThoDi
guzar ko hai bahut auqat thoDi
ki hai ye tul qissa raat thoDi
jo mai zahid ne mangi mast bole
bahut ya qibla-e-hajat thoDi
kahan ghuncha kahan us ka dahan tang
baDhai shaeron ne baat thoDi
uThe kya zanu-e-gham se sar apna
bahut guzri rahi haihat thoDi
KHayal-e-zabt-e-girya hai jo hum ko
bahut imsal hai barsat thoDi
pilae le ke naqd-e-hosh saqi
tahi-daston ki hai auqat thoDi
wahi hai aasman par ganj-e-anjum
mili thi jo teri KHairaat thoDi
tera ai duKHt-e-raz wasif hai waiz
pae-hurmat hai itni baat thoDi
chalo manzil 'amir' aankhen to kholo
nihayat rah gai hai raat thoDi
Ameer Minai 
(966) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544