Pahle To Mujhe Kaha Nikalo
pahle to mujhe kaha nikalo
phir bole gharib hai bula lo
be-dil rakhne se faeda kya
tum jaan se mujh ko mar Dalo
us ne bhi to dekhi hain ye aankhen
aankh aarasi par samajh ke Dalo
aaya hai wo mah bujha bhi do shama
parwanon ko bazm se nikalo
ghabra ke hum aae the su-e-hashr
yan pesh hai aur majra lo
takiye mein gaya to main pukara
shab tera hai jago sone walo
aur din pe 'amir' takiya kab tak
tum bhi to kuchh aap ko sambhaalo
Ameer Minai 
(908) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544