Pila Saqiya Arghawani Sharab
pila saqiya arghawani sharab
ki piri mein de naujawani sharab
wo shoala hai saqi ki ranjak ki tarah
uDa deti hai na-tawani sharab
kahan baada-e-aish taqdir mein
piyun main to ho jae pani sharab
na laya hai shisha na jam-o-subu
pilata hai saqi zabani sharab
kahan aql-e-barna kahan aql-e-pir
nae se hai behtar purani sharab
mere chehra-e-zard ke aks se
hui saqiya zafrani sharab
hue mast dekha jo phulon ka rang
piyalon mein thi arghawani sharab
kahan chashma-e-KHizr kaise KHizar
KHizar hai meri zindagani sharab
KHizar hun agar main to ja kar piyun
sar-e-chashma-e-zindagani sharab
gulistan hai phulon se kya lal lal
chale saqiya arghawani sharab
ajab saqiya gandumi rang hai
ki partaw se banti hai dhani sharab
rahe taq par parsai 'amir'
pilae jo wo yar-e-jaani sharab
Ameer Minai 
(1035) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544