Uski Hasrat Hai Jise Dil Se MiTa Bhi Na Sakun
us ki hasrat hai jise dil se miTa bhi na sakun
DhunDne us ko chala hun jise pa bhi na sakun
Dal ke KHak mere KHun pe qatil ne kaha
kuchh ye mehndi nahin meri ki chhupa bhi na sakun
zabt kam-baKHt ne yan aa ke gala ghonTa hai
ki use haal sunaun to suna bhi na sakun
naqsh-e-pa dekh to lun lakh karunga sajde
sar mera arsh nahin hai jo jhuka bhi na sakun
bewafa likhte hain wo apne qalam se mujh ko
ye wo qismat ka likha hai jo miTa bhi na sakun
is tarah soe hain sar rakh ke mere zanu par
apni soi hui qismat ko jaga bhi na sakun
Ameer Minai 
(2112) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544