Dard Ka Shahr Kahin Karb Ka Sahra Hoga
dard ka shahr kahin karb ka sahra hoga
log waqif the koi ghar se na nikla hoga
wo jo ek shaKHs ba-zid hai ki bhula do mujh ko
bhul jaun to usi shaKHs ko sadma hoga
aankh khulte hi bichhaD jaega har manzar-e-shab
chand phir subh ke maqtal mein akela hoga
jin ujalon ki taraf dauD rahi hai duniya
un ujalon mein qayamat ka andhera hoga
ek ummid har ek dar pe liye jati hai
ye mera shahr tha koi to shanasa hoga
Ameer Qazalbash 
(873) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544