Dil Mein Be-nam Si KHushi Hai Abhi
dil mein be-nam si KHushi hai abhi
zindagi mere kaam ki hai abhi
main bhi tujh se bichhaD ke sargardan
teri aankhon mein bhi nami hai abhi
dil ki sunsan rahguzaron par
main ne ek chiKH si suni hai abhi
main ne mana bahut andhera hai
phir bhi thoDi si raushni hai abhi
apne aansu 'amir' kyun ponchhun
in charaghon mein raushni hai abhi
Ameer Qazalbash 
(683) Peoples Rate This