KHud Apne Sath Safar Mein Rahe To Achchha Hai
KHud apne sath safar mein rahe to achchha hai
wo be-KHabar hai KHabar mein rahe to achchha hai
qadam qadam yunhi rakhna dilon mein andesha
charagh rahguzar mein rahe to achchha hai
kabhi kabhi mere daman ke kaam aaegi
ye dhup dida-e-tar mein rahe to achchha hai
main dil ka haal na aane dun apni palkon tak
ye ghar ki baat hai ghar mein rahe to achchha hai
kiya hai tund hawaon ka samna jis ne
wo phul shaKH-e-shajar mein rahe to achchha hai
Ameer Qazalbash 
(934) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544