Ek ChhoDo Ho Ek Aur Jo Miss Mat Karo Ho
ek chhoDo ho ek aur jo miss mat karo ho
har sal ye kya qibla-e-hajat karo ho
samjho ho kahan auron ko tum apne barabar
bas munh se musawat musawat karo ho
kya husn ki daulat bhi kabhi banTo ho sahib
sunne mein to aaya hai ki KHairaat karo ho
mil jaun to karte ho na milne ki shikayat
ghar aaun to KHatir na mudaraat karo ho
hum zat-e-sharif aae hain is dar pe ye sun kar
tum hans ke sharifon se mulaqat karo ho
uTThe kahan baiThe kahan kab aae gae kab
begam ki tarah tum bhi hisabaat karo ho
Ameerul Islam Hashmi 
(741) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544