Miras-e-be-baha Bhi Bachai Na Ja Saki
miras-e-be-baha bhi bachai na ja saki
ek zillat-e-wafa thi uThai na ja saki
wadon ki raat aisi ghani thi siyah thi
qindil-e-e'tibar bujhai na ja saki
chaha tha tum pe warenge lafzon ki kaenat
ye daulat-e-suKHan bhi kamai na ja saki
wo sahar tha ki rang bhi be-rang the tamam
taswir-e-yar hum se banai na ja saki
hum madrasan-e-ishq ke wo honhaar tifl
hum se kitab-e-aql uThai na ja saki
wo tharthari thi jaan-e-suKHan tere ru-ba-ru
tujh par kahi ghazal bhi sunai na ja saki
Amir Hamza Saqib 
(818) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544