Teri Inayaton Ka Ajab Rang Dhang Tha
teri inayaton ka ajab rang Dhang tha
tere huzur pa-e-qanaat mein lang tha
sahra ko raundne ki hawas pa-ba-gil hai ab
yun tha kabhi ki daman-e-afaq tang tha
daman ko tere tham ke rahat baDi mili
ab tak main apne aap se masruf-e-jang tha
hangam-e-yaad dil mein na aahaT na dastaken
shorish-kade mein raat KHamoshi ka rang tha
tu aaya lauT aaya hai guzre dinon ka nur
chehron pe apne warna to barson ka zang tha
raqs-e-junun mein bhi tha tariq-e-hunar ka Dhab
sufi-e-ba-safa tha koi ya malang tha
kya aasman uThate mohabbat mein jab ki dil
tar-e-nigah mein uljhi hui ek patang tha
Amir Hamza Saqib 
(929) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544