Dasht Ke KHema-e-dariya Mein Makin Koi Tha
dasht ke KHema-e-dariya mein makin koi tha
tishnagi tere tamashe mein kahin koi tha
zindagi jama-e-taskin mein raKHshanda thi
dur tak halqa-e-daman mein nahin koi tha
kitni rahon ka safar dida-e-iman ne kiya
qabil-e-did safar-bar yahin koi tha
waqt se manzar-e-saffak tarasha na gaya
dida-e-tar mein tere gosha-nashin koi tha
shola-e-fahm tahi-dast bhi hota kaise
mauj-e-idrak ki shah-e-rag ke qarin koi tha
qufl darwaza-e-chahat ka na khola tu ne
tere darbar mein daryuza-jabin koi tha
qatra-e-KHun ki tabish pe shafaq hairan hai
phir hatheli pe liye sham-e-yaqin koi tha
donon aalam ko nikhaara hai zamin par 'amir'
aasman par tha koi zer-e-zamin koi tha
Amir Nazar 
(876) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544