Darun-e-jism Ki Diwar Se Ubharti Hai
darun-e-jism ki diwar se ubharti hai
koi lakir hai jo TuTti bikharti hai
main intishaar ki kuchh aur talKHiyan pi lun
zaban-e-shahr nae zaiqon se Darti hai
falak ke darmiyan apni sada karen mahfuz
ki har dariche pe aawaz ja ke marti hai
koi to sarhad-e-KHamosh toD sakta tha
sukut-e-sham yahan tah-ba-tah utarti hai
wo ek shua-e-barahna hai shab ke zine par
so meri aankh bhi is par kahan Thaharti hai
nawah-e-zist ka suraj to Dhal gaya 'amir'
tamiz-e-KHak magar ab bhi raqs karti hai
Amir Nazar 
(804) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544