Darpesh To Hain Dida-e-hairan Hazaron
darpesh to hain dida-e-hairan hazaron
suraj ka badan tere nigahban hazaron
mayus nahin hain dar-e-zulmat ki fasilen
mana ki munawwar hue aiwan hazaron
khulta hi raha zer-e-nazar rang-e-tamasha
nuqte se tarashe gae imkan hazaron
kab tak main jhaTakta rahunga KHar-e-barahna
daman se hain chaspan gul-e-bohtan hazaron
diwar-e-gham-e-jaan bhi teri KHair nahin hai
mismar hue gumbad-e-paiman hazaron
jab dast-e-tamazat ne kiya ret ko gulbun
dar-chashm utar aae bayaban hazaron
ek shab ke sitaron se nahin thi meri nisbat
'amir' abhi tabinda hain pahchan hazaron
Amir Nazar 
(978) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544