Haqir KHak Ke Zarre The Aasman Hue
haqir KHak ke zarre the aasman hue
wo log jo dar-e-jaanan ke pasban hue
shuda-shuda wahi gulshan ke hukmaran hue
jo KHar pi ke gulon ka lahu jawan hue
hum aise ahl-e-junun par hanse na kyun duniya
ki sar kaTa ke samajhte hain kaamran hue
ye kam nahin ki bujhai hai pyas kanTon ki
bala se rah-e-wafa mein lahuluhan hue
gulon ne aabla-pai ki koi dad na di
chaman mein KHar hi chhaalon ke mezban hue
kiya jo bhul ke dil ne KHayal-e-tark-e-wafa
hum apne aap se kya kya na bad-guman hue
Amir Usmani 
(1325) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544