Soch Ke Gumbad Mein Ubhri TuTti Yaadon Ki Gunj
soch ke gumbad mein ubhri TuTti yaadon ki gunj
meri aahaT sun ke jagi saikaDon qadmon ki gunj
aankh mein bikhra hua hai jagte KHwabon ka rang
kan mein simTi hui hai bhagte sayon ki gunj
jaane kya kya daere bante hain mere zehan mein
kanp uThta hun main sun kar TuTte shishon ki gunj
rang mein Duba hua hai qarya-e-chashm-e-KHayal
baam-o-dar se phuTti hai KHushnuma chehron ki gunj
jate jate aaj 'amjad' panw patthar ho gae
hath par mere giri jab nargisi aankhon ki gunj
Amjad Islam Amjad 
(948) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544