Dil Ki Dil Ko KHabar Nahin Milti
dil ki dil ko KHabar nahin milti
jab nazar se nazar nahin milti
sahar aai hai din ki dhup liye
ab nasim-e-sahar nahin milti
dil-e-masum ki wo pahli choT
doston se nazar nahin milti
jitne lab utne us ke afsane
KHabar-e-mo'tabar nahin milti
hai maqam-e-junun se hosh ki rah
sab ko ye rahguzar nahin milti
nahin 'mulla' pe us fughan ka asar
jis mein aah-e-bashar nahin milti
Anand Narayan Mulla 
(726) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544