Der Lagi Aane Mein Tumko Shukr Hai Phir Bhi Aae To
der lagi aane mein tum ko shukr hai phir bhi aae to
aas ne dil ka sath na chhoDa waise hum ghabrae to
shafaq dhanak mahtab ghaTaen tare naghme bijli phul
is daman mein kya kya kuchh hai daman hath mein aae to
chahat ke badle mein hum to bech den apni marzi tak
koi mile to dil ka gahak koi hamein apnae to
kyun ye mehr-angez tabassum madd-e-nazar jab kuchh bhi nahin
hae koi anjaan agar is dhoke mein aa jae to
suni-sunai baat nahin ye apne upar biti hai
phul nikalte hain shoalon se chahat aag lagae to
jhuT hai sab tariKH hamesha apne ko dohraati hai
achchha mera KHwab-e-jawani thoDa sa dohrae to
nadani aur majburi mein yaro kuchh to farq karo
ek be-bas insan kare kya TuT ke dil aa jae to
Andaleeb Shadani 
(2036) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544