Hur-o-ghilman Ke Talabgar Se Waqif Main Hun
hur-o-ghilman ke talabgar se waqif main hun
sahab-e-jubba-o-dastar se waqif main hun
shahr mein aap farishton se bhi baDh kar Thahre
han magar aap ke kirdar se waqif main hun
haq-nawai ka samajhta hun ise main inam
qaid-o-zindan rasan-o-dar se waqif main hun
wo hai majbur talab se bhi siwa dene par
KHubi-e-jurat-e-izhaar se waqif main hun
munsifi chumti rahti hai dar-e-ahl-e-dil
ai adalat tere kirdar se waqif main hun
sar salamat hai to rauzan bhi bana lunga main
habs tere dar-o-diwar se waqif main hun
kibr-o-naKHwat ka hai ilzam abas 'anjum' par
us ke iKHlas se afkar se waqif main hun
Anjum Azimabadi 
(736) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544