Ek Sauda Hai Lazzat-e-gham Hai
ek sauda hai lazzat-e-gham hai
aaj phir meri aankh pur-nam hai
dil ko bahla rahe hain muddat se
zindagi kya azab se kam hai
zarra zarra udas hai us ka
mere ghar ka ajib aalam hai
mehr-o-mah par kamand paDti hai
soch mein koi ibn-e-adam hai
tujh se parda nahin mere gham ka
tu meri zindagi ka mahram hai
ye jo ek eatibar hai tum par
kis qadar paedar-o-muhkam hai
kal to duniya badal hi jaegi
aaj un ka ye jaur-e-paiham hai
dil na kaba hai ne kalisa hai
tera ghar hai harim-e-mariyam hai
Anjum Azmi 
(1100) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544