Sadaqaton Ko Ye Zid Hai Zaban Talash Karun

sadaqaton ko ye zid hai zaban talash karun

jo shai kahin na mile main kahan talash karun

meri hawas ke muqabil ye shahr chhoTe hain

KHala mein ja ke nai bastiyan talash karun

aziyyaton ki bhi apni hi ek lazzat hai

main shahr shahr phirun nekiyan talash karun

makan-fareb KHushamad maash samjhaute

barae kashti-e-jaan baadban talash karun

to kab talak yunhi suraj tale rahegi dhup

tere liye bhi koi saeban talash karun

guhar-qnasib sadaf ka to zikr kya 'anjum'

main sahilon ke liye sipiyan talash karun