Jahan Tak Gaya Karwan-e-KHayal
jahan tak gaya karwan-e-KHayal
na tha kuchh ba-juz hasrat-e-paemal
mujhe tera tujh ko hai mera KHayal
magar zindagi phir bhi hai KHasta-haal
jahan tak hai dair o haram ka sawal
rahen chup to mushkil kahen to muhaal
teri kaenat ek hairat-kada
shanasa magar ajnabi KHadd-o-KHal
meri kaenat ek zaKHm-e-kuhan
muqaddar mein jis ke nahin indimal
nai zindagi ke nae makr o fan
nae aadmi ki nai chaal-Dhaal
hue ruKHsat anjum sahar ke qarib
na dekha gaya shayad apna maal
Anjum Rumani 
(875) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544