Kuchh Ajnabi Se Log The Kuchh Ajnabi Se Hum
kuchh ajnabi se log the kuchh ajnabi se hum
duniya mein ho na pae shanasa kisi se hum
dete nahin sujhai jo duniya ke KHatt-o-KHal
aae hain tirgi mein magar raushni se hum
yan to har ek qadam pe KHalal hai hawas ka
ai KHizr baz aae teri hamrahi se hum
dete hain log aaj use shaeri ka nam
paDhte the lauh dil pe kuchh aashuftagi se hum
rahti hai 'anjum' ek zamane se guftugu
karte nahin kalam ba-zahir kisi se hum
Anjum Rumani 
(1140) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544