Gham-e-habib Gham-e-do-jahan Nahin Hota
gham-e-habib gham-e-do-jahan nahin hota
agar KHulus-e-wafa be-karan nahin hota
dilon ki aag baDhao ki log kahte hain
charagh-e-husn se raushan jahan nahin hota
teri nigah-e-karam hi ka ye asar to nahin
jahan mein hum pe koi mehrban nahin hota
shuur-e-manzil-e-maqsud bhi hai shart-e-safar
hujum-e-rah-rawan karwan nahin hota
Anvar Moazzam 
(650) Peoples Rate This