ZaKHm-e-nazara KHun-e-nazar Dekhte Raho

zaKHm-e-nazara KHun-e-nazar dekhte raho

jo kuchh dikhae dida-e-tar dekhte raho

chashm-e-sadaf ke dard se sarf-e-nazar karo

kis tarah TuTte hain guhar dekhte raho

shayad kisi ka naqsh-e-kaf-e-pa chamak uThe

ai rahnumao rahguzar dekhte raho

gesu-e-shab sanwarne walo kabhi kabhi

aaina-e-nigar-e-sahar dekhte raho

aankhon mein ghul na jaen kahin zulmaton ke rang

jis samt raushni hai udhar dekhte raho

(656) Peoples Rate This

Your Thoughts and Comments

ZaKHm-e-nazara KHun-e-nazar Dekhte Raho In English By Famous Poet Anvar Moazzam. ZaKHm-e-nazara KHun-e-nazar Dekhte Raho is written by Anvar Moazzam. Read famous Poem ZaKHm-e-nazara KHun-e-nazar Dekhte Raho for youth and Student by Anvar Moazzam. Free Download ZaKHm-e-nazara KHun-e-nazar Dekhte Raho in PDF.