Wo But Bina Nigah Jamae KhaDa Raha
wo but bina nigah jamae khaDa raha
main aankh band kar ke use pujta raha
KHush-fahmiyon ka aaj bharam khul gaya to kya
ek moD par to us ka mera samna raha
tum ko to ek umr hui hai juda hue
hairan hun raat-bhar main kise DhunDhta raha
ek ek daricha band tha phir bhi ye Dar raha
chhup-chhup ke jaise koi hamein jhankta raha
us ki nigah fitna-ada to bahana thi
KHud mera dil bhi mera lahu chusta raha
'anjum' kise KHabar ki koi mahw-e-intizar
kal jalti dopahar mein akela khaDa raha
Anwar Anjum 
(1749) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544