Inqilab-e-sahar-o-sham Ilahi Tauba
inqilab-e-sahar-o-sham ilahi tauba
asar-e-gardish-e-ayyam ilahi tauba
fitrat-e-baada-e-rangin mein nahin kaif o nashat
rind hain morid-e-ilzam ilahi tauba
sehn-e-gulshan mein bahaaron ne bichha rakkhe hain
lala o gul ke hasin dam ilahi tauba
aalam-e-naza mein palkon pe larazte aansu
ishq ka aaKHiri paigham ilahi tauba
gulshan-e-fikr pe 'anwar' hai giran-bar mizaj
sher ki barish-e-ilham ilahi tauba
Anwar Sabri 
(1197) Peoples Rate This